入油記

今日做mobility testing, 問Doug借車. 佢話架車冇咩油, 我check過之後, 見到上晝都應該夠油, 決定照test, 食飯先同架車入油. 我唔熟路唔知邊度有油站, William話第一城有; Sunny話大埔有.

話咁快十二點, 一行7人響photonics集合. Again我唔熟路, 於是由Michael做車手. 由於第一城泊車唔係咁方便, 一行人決定出發去大埔汀角路茶座. 架車冇咩油, 一出大埔公路就搵油站. 不久就見到CRC標誌, Good. But wait, CRC LPG? Doug架車唔係食石油氣架喎... Sunny又一傑作:「我日日都見好多車出出入入架? 唔係油站咩?」又可能Sunny響加拿大太耐, 搵左個名副其實既Gas Station!

Too bad, 冇人知道最近既"Gas Station"響邊. 車既油唔係仲有好多, 我地仲驚到唔敢開冷氣. William響地圖search油站, 我地眼光突然轉移到椅背既CALTEX紙巾合. 我打電話去大埔既station, 問佢地響邊. Check地圖要過橋, 又行錯左路喇! 要響d小路掉頭, 好似學車咁三手軚掉頭. 最後見倒CALTEX粒星, 原來前後仲有Shell同Esso. 「CALTEX啦, 係佢救我地唔使推車.」

個故仔仲未完. Michael:「入滿佢.」服務員:「唔該開油缸蓋丫.」全車人又大笑一聲. 搵左一兩分鐘後, 服務員再加一句:「係唔係司機位旁邊呀?」Got it! 最後入左$550, Jerry簽卡. 服務員:「唔該寫埋車牌丫.」再次笑聲. 唉, 揸左阿Doug架車成個月咁耐, 我地三個都冇人記得個車牌. 阿Paul:「你可以報警架喇, 呢架係偷車黎...」

最後開番冷氣, 曆時三十分鐘既入油故事終於完結, 向汀角路茶座進發.

GO! 肚餓呀~